「人生於世上有幾個知己……」🎶每個人嘅一生都曾經經歷不同事情，到底老友記、工友、失明人士及肢體上有困難嘅朋友過往一生係點嘅呢？🤔
香港紅十字會今次聯乘「毋忘愛」舉辦「生命故事冊」服務計劃，俾大家搵自己相識嘅跨代長輩（例如爺爺嫲嫲、公公婆婆等），又或者同大會邀請嘅工友、失明人士及肢體上有困難嘅朋友等等嘅受訪者見面，寫一本生命故事冊紀錄受訪者嘅一生。大家可以透過寫生命故事冊，記下受訪者嘅故事，同佢地傾吓計，了解佢地過往嘅生活，如何活得精彩。綵訪佢地嘅時候，大家可以透過青少年嘅活力給予正能量。而受訪者分享個人故事嘅同時，亦可以肯定自己嘅生命經歷💪🏻 除此之外，我哋希望透過受訪者過去嘅個人經歷，做到薪火相傳嘅力量💪🏻
計劃總共有三節「撰寫一生」工作坊，第一節會俾大家先學習溝通技巧，令大家可以喺未來日子容易啲同受訪者傾計💬第二節會教大家如何撰寫及準備受訪人士嘅生命故事冊，最後係第三節整理故事初稿。經過三次與受訪者對談環節，向受訪者綵訪，了解佢地過去人生，最後分享最終成品，將生命故事承傳落去，璀璨佢地光輝一生✨
計劃詳情如下：
計劃時段：2025年9月至2026年1月（共6節）
對象：18-35歲本地大學全日制學士學生及研究生
計劃地點：毋忘愛中心及探訪場地
報名方法：填寫以下報名表格👇🏻👇🏻
https://s.redcross.org.hk/lifestory
截止報名日期: 2025年9月6日（星期六）
參加者須知：
•計劃屆時以個人或小組進行 (以2-3人為一小組)。
•若以小組報名，歡迎自行組隊參與。
•報名者需出席簡單網上面試。
如有任何查詢，可WhatsApp 9317 3453 Helen查詢，期望到時活動見到大家!
歡迎大家邀請朋友一齊參與，聆聽受訪者不同人生故事😆✨
