周日短篇—Z世代創意寫作現場

「你有冇真係愛過一個人？」

朋友夾住嚿雞，語氣隨意。我筷子停喺半空，本來想笑住答「梗係有啦」，拎幾段往事出嚟畀人起哄，草草完結呢個話題。
但係嗰刻，腦入面忽然一片空白，只聽到自己心跳聲，好似係遠方嘅回音。
「Um……唔知喎。」我最後係咁答。
朋友當我講笑：「吓，咁多段都唔算？」
我勉強笑咗下，冇再解釋。
嘈雜聲湧番嚟：碟碗聲、冰塊撞杯身、油煙味同笑聲混埋一齊。
嗰句「你有冇愛過人」，一路向下沉，好似跌落一條永遠望唔到底嘅樓梯。//

高溥鈞同學的〈愛是……〉是一篇有關愛情的微型小說創作。

圖片提供《明報》世紀 周日短篇，網頁版原link： tinyurl.com/msy6sen9