林易陞同學投稿

早前，我哋CWFA好有幸請到黃衍仁先生嚟到電影音樂課嘅最後一堂，同大家分享佢嘅音樂路程，同埋佢做兩部電影音樂嘅心得。

衍仁本身並唔係做電影音樂，而係由劇場音樂做起。當日嘅講座，佢都有同大家分享佢嘅音樂路程同埋理念。而令到衍仁有更多人識嘅，相信唔可以唔提令我開始留意衍仁嘅《濁水漂流》同埋《窄路微塵》呢兩部電影。當然，佢亦有分享到做呢兩部電影音樂嘅心得，例如《濁水漂流》ending，佢同導演溝通喺音樂上面嘅處理，呢啲都令我好印象深刻。

值得一提嘅係，衍仁暫時淨係做過兩部電影嘅音樂，但都令佢可以兩次提名金馬獎同埋香港電影金像獎嘅最佳原創電影音樂，而《窄路微塵》更加令佢攞晒兩個獎。衍仁亦都有同我哋做一啲音樂訓練，俾一啲情境我哋想像配啲咩音樂落去，同埋亦都有解答我哋嘅提問，令我哋有更多得着，亦都了解到佢由劇場音樂一路做到主流電影嘅心路歷程。

希望將來會見到更多衍仁做嘅電影音樂，再同大家分享！